Svíþjóð er að vinna Spán 1-0 í undankeppni Evrópumótsins en David De Gea, markvörður spænska landsliðsins, var rétt í þessu að fara meiddur af velli.
De Gea var í byrjunarliði Spánar í kvöld en fór meiddur af velli í upphafi síðari hálfleik. Kepa Arrizabalaga kom inná í hans stað.
De Gea er lykilmaður í liði Manchester United en liðið mætir Liverpool í stórslag um helgina.
Spænski markvörðurinn virðist hafa meiðst í nára og var skipt af velli á 60. mínútu, stuttu eftir að Marcus Berg kom Svíum yfir en De Gea var magnaður í leiknum fram að skiptingunni.
Hægt er að sjá vörslu hans frá Robin Quaison í leiknum en þetta gætu verið afar slæmar fréttir fyrir Manchester United.
De Gea's incredible save vs Sweden
— GK Clips (@GKClips) October 15, 2019
Back to his best 🔥🔥#MUFC pic.twitter.com/WXjGPeK7hf
Athugasemdir