Jurgen Klopp, stjóri Liverpool, sat fyrir svörum á fréttamannafundi í dag. Klopp var spurður út í Joe Gomez sem er enn að vinna sig til baka eftir erfið meiðsli á síðasta tímabili.

„Hann er í toppformi og það hefði hjálpað honum ef hann hefði verið valinn í enska landsliðið og spilaði leiki þar, hann er frábær varnarmaður en við erum með fimm frábæra miðverði. Við þurfum á þeim öllum að halda, síðasta tímabil sýndi okkur það," sagði Klopp.

Það má lesa í ummæli Klopp eins og skot á Gareth Southgate þar sem John Stones hefur ekki spilað með Manchester City að undanförnu en hefur samt spilað með landsliðinu.

Klopp staðfesti það síðar á fundinum þegar hann var spurður út í Stones.

„Stundum bregst Gareth þannig við að leikmenn geti ekki spilað með landsliðinu ef þeir spila ekki með félagsliði sínu. Augljóslega fær herra Stones sérmeðferð," sagði Klopp.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit