Þýskaland: Wolfsburg lagði Gladbach og góður sigur Schalke

Sandra María í liði Leverkusen - Rúrik á bekknum

Fögnuður hjá Wolfsburg í dag.

Mynd: Getty Images

Fögnuður hjá Wolfsburg í dag.

Mynd: Getty Images

Tveir leikir fóru fram í þýsku Bundesliga í dag. Þá lék Sandhausen í næstefstu deild og Bayer Leverkusen í þýsku kvenna Bundesliga.

Við byrjum umfjöllunina í Wolfsburg þar sem toppliðið fyrir umferðina, Gladbach, kom í heimsókn. Xaver Schlager kom heimamönnum yfir á 13. mínútu en Breel Embolo jafnaði fyrir gestina tveimur mínútum seinna.

Á fyrstu mínútu uppbótartíma skoraði Maximilian Arnold sigurmark leiksins og tryggði heimamönnum þrjú stig. Gladbach er nú tveimur stigum á eftir Leipzig.

Í seinni leik dagsins í Bundeslígunni lagði Schalke lið Frankfurt að velli á heimavelli. Benito Raman skoraði eina mark leiks snemma í seinni hálfleik. Á 66. mínútu fékk Alexander Nubel að líta beint rautt spjald hjá Schalke. Frankfurt náði ekki að nýta sér liðsmuninn og Schalke því í Meistaradeildarsæti eftir leiki dagsins.

Í þýsku fyrstu deildinni var Rúrik Gíslason aftur kominn í leikmannahóp Sandhausen eftir að hafa verið utan hóps í síðustu umferð. Sandhausen gerði 1-1 jafntefli við HSV. Rúrik hefur ekki spilað mínútu af síðustu 270 mínútum hjá Sandhausen, í tvígang setið allan tímann á varamannabekknum.

Hjá Bayer Leverkusen lék Sandra María Jessen allan leikinn þegar liðið heimsótti Freiburg í kvenna Bundesliga í dag. Leikurinn endaði 1-1 og er Leverkusen í 9. sæti með þrettán stig eftir þrettán umferðir, sex stigum fyrir ofan fallsæti.

Wolfsburg 2 - 1 Borussia M.
1-0 Xaver Schlager ('13 )
1-1 Breel Embolo ('15 )
2-1 Maximilian Arnold ('90 )

Schalke 04 1 - 0 Eintracht Frankfurt
1-0 Benito Raman ('53 )
Rautt spjald: Alexander Nubel, Schalke 04 ('66)

Bundesliga - karlar

#	Lið	L	mun	Stig
1	Dortmund	6	+7	14
2	Freiburg	5	+10	13
3	Bayern	5	+12	11
4	Leverkusen	5	+6	10
5	Mainz	6	+4	10
6	Elversberg	6	+3	10
7	RB Leipzig	5	+10	9
8	Augsburg	6	+2	8
9	Werder	6	-2	8
10	Frankfurt	6	-6	8
11	Stuttgart	6	-1	7
12	Paderborn	6	-2	7
13	Köln	6	-3	7
14	Hamburger	6	-10	7
15	Schalke 04	6	-3	5
16	Union Berlin	6	-12	5
17	Hoffenheim	5	-4	3
18	Gladbach	5	-11	0