England: Tottenham sigraði gegn Man Utd

Tottenham tók á móti Manchester United í stórleik í neðri hluta ensku úrvalsdeildarinnar. Liðin áttust við í seinni leik dagsins í deildinni og náðu heimamenn í liði Tottenham forystunni snemma leiks.

James Maddison fylgdi þá skoti frá Lucas Bergvall eftir með marki, eftir að André Onana markvörður hafði varið skotið frá Svíanum beint út í vítateiginn.

Staðan var 1-0 í leikhlé eftir nokkuð jafnan fyrri hálfleik þar sem lítið var um færi en bæði lið sýndu flotta takta á köflum.

Síðari hálfleikurinn var opnari heldur en sá fyrri og bauð upp á fína skemmtun, en boltinn rataði þó aldrei í netið þrátt fyrir góð færi. Man Utd fékk betri færi en Guglielmo Vicario stóð sig frábærlega á milli stanganna og klúðraði Alejandro Garnacho dauðafæri með að skjóta yfir.

Niðurstaðan 1-0 sigur Tottenham og er þetta fyrsti heimasigur Tottenham í ensku deildinni síðan 3. nóvember.

Tottenham er í tólfta sæti eftir þennan sigur, þrettán stigum frá Evrópubaráttunni.

Man Utd er einu stigi fyrir neðan Tottenham - með 29 stig eftir 25 umferðir.