Leikur ÍA og Fylkis færður inn í Akraneshöllina

Leikur ÍA og Fylkis í 3. umferð Bestu deildarinnar hefur verið færður inn í Akraneshöllina en KSÍ tilkynnti þetta í morgun.

Grasvellir landsins eru ekki tilbúnir í slaginn og allir leikirnir í þriðju umferð sem áttu að vera á grasi hafa verið færðir á gervigras.

FH og HK víxluðu á heimaleikjum og mætast í Kórnum og þá mun KR spila sinn heimaleik á AVIS vellinum, heimavelli Þróttar í Laugardalnum.