Túfa, þjálfari Grindavíkur, var auðvitað ánægður með sigur sinna manna gegn KR í Pepsi Max-deildinni í kvöld.
Lestu um leikinn: Grindavík 2 - 1 KR
„Ég er mjög ánægður og stoltur af mínum strákum. Þeir eru að leggja mikið á sig á hverjum degi og það er að skila sér hægt og rólega," sagði Túfa.
„Mér fannst þetta sanngjarn sigur. Við vorum mikið betri í fyrri hálfleik og þeir í seinni hálfleiknum. Það eru mikil gæði í KR-liðinu. Á endanum sigldum við þessu heim og ég er mjög ánægður með strákana."
„Þetta sýnir að það er á uppleið hjá okkur. Þetta kom í dag og við verðum að halda áfram."
Aron Jóhannsson fór meiddur af velli í kvöld. Túfa telur að það verði í lagi með hann.
„Ég held að hann fái krampa í kálfann. Hann hljóp rosalega mikið. Ég held að þetta verði í lagi á morgun."
Viðtalið er í heild sinni hér að ofan.
Athugasemdir