Antoine Semenyo fagnar sigurmarkinu á Wembley
Chelsea 0 - 1 Manchester City
0-1 Antoine Semenyo ('72 )
0-1 Antoine Semenyo ('72 )
Manchester City er enskur bikarmeistari í áttunda sinn í sögu félagsins eftir að hafa unnið Chelsea, 1-0, á Wembley í dag.
City-menn voru ógnandi í byrjun fyrri hálfleiks en náðu þó ekki að reyna mikið á Robert Sanchez í markinu.
Erling Braut Haaland setti boltann í netið á 27. mínútu en markið var dæmt af vegna rangstöðu á Matheus Nunes í aðdragandanum.
Chelsea-menn vildu fá vítaspyrnu undir lok hálfleiksin er Joao Pedro féll í baráttu sinni við Abdukodir Khusanov, en ekkert dæmt á það og var staðan markalaus í hálfleik.
Í þeim síðari komu City menn sterkir til leiks. Semenyo skallaði boltanum yfir úr dauðafæri.
Bæði lið kölluðu eftir nokkrum vítaspyrnum í síðari hálfleiknum en fengu ekki góðar undirtektir frá dómara leiksins.
Semenyo sem hafði verið mjög öflugur í sóknarleiknum skoraði sigurmarkið á 72. mínútu með sturlaðri hælspyrnu eftir sendingu frá Erling Haaland.
Gullfallegt mark og mikilvægt var það því það tryggði Man City bikarmeistaratitilinn. Bikartvenna hjá City-mönnum sem gætu fullkomnað þrennuna ef þeir vinna titilbaráttuna við Arsenal, en City er tveimur stigum á eftir Arsenal þegar tvær umferðir eru eftir.
2026 FA CUP WINNERS!!! ???? pic.twitter.com/PnpoFE0Yol
— Manchester City (@ManCity) May 16, 2026
