Stuðningsmenn réðust á leikmenn Hearts - „Svívirðilegt"
Tómas Bent Magnússon er leikmaður Hearts
Mynd: Hearts/Skjáskot
Tómas Bent Magnússon er leikmaður Hearts
Mynd: Hearts/Skjáskot
Hearts hefur sent frá sér yfirlýsingu eftir að stuðningsmenn hlupu inn á völlinn undir lok leiks liðsins gegn Celtic þar sem Celtic vann 3-1 og tryggði sér skoska titilinn um leið.
TENGT EFNI
Celtic skoskur meistari eftir dramatískar lokamínútur
Leikmenn Hearts neyddust til að yfirgefa völlinn áður en uppbótatímanum lauk þar sem stuðningsmenn ruddust inn á völlinn eftir að Callum Osmand innsiglaði sigur Celtic og beittu leikmönnum og starfsliði Hearts líkamlegu og munnlegu ofbeldi.
„Heart of Midlothian fordæmir harðlega hina svívirðilegu atburði á Celtic Park í dag sem hafa enn og aftur orðið skoskri knattspyrnu til skammar. Tilkynningar um alvarlegt líkamlegt og munnlegt ofbeldi gagnvart leikmönnum okkar og starfsfólki, bæði á vellinum og annars staðar, eru hræðilegar. Við erum að rannsaka þetta ítarlega í samvinnu við lögregluna á Skotlandi. Við munum ekki tjá okkur frekar að svo stöddu annað en að segja að það sé algjörlega óásættanlegt að leikmenn okkar og starfsfólk hafi verið sett í þessa stöðu," segir í yfirlýsingu Hearts.
Þar kemur einnig fram að allir á þeirra vegum hafi yfirgefið svæðið án þess að fara í viðtöl við fjölmiðla. Hearts býst við að fótboltayfirvöld grípi til harðra refsiaðgerða.
„Þetta tímabil hefur Hearts vakið mikla athygli fótboltaáhugamanna, ekki aðeins í Skotlandi heldur um allan heim. Við vottum Derek McInnes, starfsfólki hans, aðalliðinu og stuðningsmönnunum virðingu sína, sem hafa gert félagið stolt á þessu tímabili. Enginn þeirra verðskuldaði þá svívirðilegu atburði sem áttu sér stað."
Tómas Bent Magnússon er leikmaður Hearts en hann gat ekki tekið þátt í leiknum vegna meiðsla.
„Heart of Midlothian fordæmir harðlega hina svívirðilegu atburði á Celtic Park í dag sem hafa enn og aftur orðið skoskri knattspyrnu til skammar. Tilkynningar um alvarlegt líkamlegt og munnlegt ofbeldi gagnvart leikmönnum okkar og starfsfólki, bæði á vellinum og annars staðar, eru hræðilegar. Við erum að rannsaka þetta ítarlega í samvinnu við lögregluna á Skotlandi. Við munum ekki tjá okkur frekar að svo stöddu annað en að segja að það sé algjörlega óásættanlegt að leikmenn okkar og starfsfólk hafi verið sett í þessa stöðu," segir í yfirlýsingu Hearts.
Þar kemur einnig fram að allir á þeirra vegum hafi yfirgefið svæðið án þess að fara í viðtöl við fjölmiðla. Hearts býst við að fótboltayfirvöld grípi til harðra refsiaðgerða.
„Þetta tímabil hefur Hearts vakið mikla athygli fótboltaáhugamanna, ekki aðeins í Skotlandi heldur um allan heim. Við vottum Derek McInnes, starfsfólki hans, aðalliðinu og stuðningsmönnunum virðingu sína, sem hafa gert félagið stolt á þessu tímabili. Enginn þeirra verðskuldaði þá svívirðilegu atburði sem áttu sér stað."
Tómas Bent Magnússon er leikmaður Hearts en hann gat ekki tekið þátt í leiknum vegna meiðsla.
Club statement: Events at Celtic Park
— Heart of Midlothian FC (@JamTarts) May 16, 2026
???? https://t.co/cnToHBofbr pic.twitter.com/85sfxkAN4U
