Þýskaland: Kane skoraði þrennu í lokaumferðinni - Stuttgart í Meistaradeildina

Kane endaði sem langmarkahæsti leikmaður deildarinnar með 36 mörk, aðeins fimm frá því að jafna met Robert Lewandowski frá 2021.

Hann skoraði fyrsta mark dagsins eftir fyrirgjöf frá Joshua Kimmich, annað markið eftir aukaspyrnu á 13. mínútu og síðan það þriðja um tuttugu mínútum fyrir leikslok. Tom Bischof og Nicolas Jackson skoruðu einnig fyrir Bayern.

Jackson, Leon Goretzka og Raphael Guerreiro fengu sérstakar viðurkenningar og gjafir fyrir leikinn, en þeir munu allir yfirgefa félagið eftir tímabilið.

Bayern skoraði 122 mörk í deildinni sem er nýtt met topp fimm deildum í Evrópu á þessari öld.

Ísak Bergmann kom inn af bekknum hjá Köln í seinni hálfleik, en hann og félagar hans spila áfram í efstu deild á næstu leiktíð. Köln hafnaði í 14. sæti með 32 stig, þremur fyrir ofan Wolfsburg sem er á leið í fallumspil.

Stuttgart gerði 2-2 jafntefli við Eintracht Frankfurt og reyndist það nóg fyrir Stuttgart til að tryggja Meistaradeildarsæti fyrir næstu leiktíð. Hoffenheim og Bayer Leverkusen fara í Evrópudeildina og þá mun Freiburg taka Sambandsdeildarsæti, nema liðið nái að vinna Aston Villa í úrslitum Evrópudeildarinnar. Sigurvegarinn þar spilar í Meistaradeildinni á næstu leiktíð.

Heidenheim og St. Pauli eru fallin niður um deild, en Wolfsburg mun spila annað hvort við Hannover, Elverberg eða Paderborn um sæti í efstu deild.

Heidenheim 0 - 2 Mainz
0-1 Phillip Tietz ('7 )
0-2 Nadiem Amiri ('43 )

Union Berlin 4 - 0 Augsburg
1-0 Andrej Ilic ('10 )
2-0 Andrej Ilic ('42 )
3-0 Andras Schafer ('54 )
4-0 Woo-Yeong Jeong ('89 )

Borussia M. 4 - 0 Hoffenheim
1-0 Hugo Bolin ('14 )
2-0 Haris Tabakovic ('23 )
3-0 Kevin Diks ('81 )
4-0 Robin Hack ('90 )
Rautt spjald: Tim Lemperle, Hoffenheim ('46)

Freiburg 4 - 1 RB Leipzig
1-0 Niklas Beste ('24 )
2-0 Igor Matanovic ('26 )
2-1 Assan Ouedraogo ('33 )
3-1 Matthias Ginter ('47 )
4-1 Derry Scherhant ('75 )

Werder 0 - 2 Borussia D.
0-1 Serhou Guirassy ('59 )
0-2 Yan Couto ('90 )

Bayern 5 - 1 Koln
1-0 Harry Kane ('10 )
2-0 Harry Kane ('13 )
2-1 Said El Mala ('18 )
3-1 Tom Bischof ('22 )
4-1 Harry Kane ('69 )
5-1 Nicolas Jackson ('83 )

Eintracht Frankfurt 2 - 2 Stuttgart
0-1 Chema Andres ('10 )
0-2 Nikolas Nartey ('45 )
1-2 Jonathan Burkardt ('72 , víti)
2-2 Jonathan Burkardt ('90 , víti)

Bayer 1 - 1 Hamburger
0-0 Patrik Schick ('25 , Misnotað víti)
0-1 Fabio Vieira ('61 )
1-1 Jarell Quansah ('78 )

St. Pauli 1 - 3 Wolfsburg
0-1 Konstantinos Koulierakis ('37 )
1-1 Abdoulie Ceesay ('57 )
1-2 Nikola Vasilj ('64 , sjálfsmark)
1-2 Christian Eriksen ('77 , Misnotað víti)
1-3 Dzenan Pejcinovic ('80 )