William Cole Campbell er í fyrsta sinn mættur í leikmannahóp hjá Breiðabliki í Bestu deildinni. Blikar eiga útileik gegn Valsmönnum í kvöld og er William Cole á meðal varamanna.
Lestu um leikinn: Valur 3 - 2 Breiðablik
Hinn sextán ára William Cole yfirgaf FH í síðasta mánuði og hélt yfir í Kópavoginn.
„Hann er farinn frá FH og vantaði stað til þess að æfa á þangað til hann fer út í júlí. Við gáfum honum leyfi til þess," sagði Sigurður Hlíðar Rúnarsson, deildarstjóri knattspyrnudeildar Breiðabliks.
Hann er á leið erlendis til Borussia Dortmund í Þýskalandi síðar í sumar.
William Cole er sóknarsinnaður miðjumaður sem á að baki fimm unglingalandsleiki fyrir Ísland, en hann á einnig ættir að rekja til Bandaríkjanna.
Athugasemdir