fim 16. júlí 2020 14:19
Elvar Geir Magnússon
Aubameyang bálreiður yfir því að Trent fékk ekki rautt
Trent Alexander-Arnold var heppinn að fá ekki rautt.
Trent Alexander-Arnold var heppinn að fá ekki rautt.
Mynd: Skjáskot
Pierre-Emerick Aubameyang, leikmaður Arsenal, botnar ekkert í því af hverju Trent Alexander-Arnold, bakvörður Liverpool, fékk ekki rauða spjaldið í viðureign liðanna í gær.

Alexander-Arnold var heppinn að fá ekki rautt þegar hann var illa tímasettur og fór með takkana í Bukayo Saka.

Alexander-Arnold fékk gult spjald frá Paul Tierney dómara og þrátt fyrir VAR myndbandsdómgæslukerfið var gulu ekki breytt í rautt.

Aubameyang skundaði fram á ritvöllinn og undraði sig á Twitter af hverju VAR hefði misst af þessu.

Saka var heppinn og meiddist ekki. Hann hjálpaði Arsenal að vinna 2-1 sigur.


Athugasemdir
banner