Sóknarmaðurinn Andri Rúnar Bjarnason skoraði kraftmikið mark fyrir þýska C-deildarliðið Kaiserslautern þegar það vann 5-0 stórsigur á MTK Budapest frá Ungverjalandi í æfingaleik.
Íslendingavaktin greinir frá.
Staðan í hálfleik var 3-0 fyrir Kaiserslautern en Andri skoraði fjórða markið.
C-deildin í Þýskalandi er um þessar mundir í vetrarfríi en deildin fer aftur af stað þann 27. janúar. Kaiserslautern er í 9. sæti deildarinnar af 20 liðum eftir 20 umferðir.
Andri Rúnar hefur verið mikið frá vegna meiðsla á tímabilinu en er búinn að skora eitt mark í 10 leikjum í öllum keppnum með Kaiserslautern.
Athugasemdir