Arteta fer yfir meiðslastöðuna - Ödegaard gæti spilað um helgina

Úlfarnir og Arsenal mætast í ensku úrvalsdeildinni annað kvöld. Arsenal er með fjögurra stiga forystu í deildinni. Mikel Arteta, stjóri Arsenal, fór yfir meiðslastöðu liðsins á fréttamannafundi í dag.

Varnarmaðurinn Riccardo Calafiori var ekki með í bikarsigrinum gegn Wigan en hefur verið að æfa og vonast er til þess að hann verði með gegn Wolves. Sama á við um Ben White.

Martin Ödegaard og Kai Havertz eru ekki klárir í slaginn en gætu verið klárir um næstu helgi, þegar Arsenal mætir Tottenham á sunnudaginn.

Mikel Merino og Max Dowman eru áfram á meiðslalistanum.