fös 17. mars 2023 16:00
Guðmundur Aðalsteinn Ásgeirsson
„Fékk það góða vinnu að ég held að hún sé hætt í fótbolta"
Amber Kristin Michel.
Amber Kristin Michel.
Mynd: Fótbolti.net - Hafliði Breiðfjörð
Bandaríski markvörðurinn Amber Michel hefur leikið í marki TIndastóls frá 2020 og gert það ótrúlega vel, en hún verður ekki með liðinu í sumar.

Jón Stefán Jónsson, fyrrum þjálfari Tindastóls, sagði frá því í Heimavellinum fyrr í vikunni að Amber, sem er fædd árið 1997, væri að öllum líkindum hætt í fótbolta þar sem hún er búin að fá góða vinnu í heimalandi sínu.

„Ég held að það sé mikil blóðtaka fyrir liðið að missa Amber úr markinu," sagði Jón Stefán.

„Hún fékk það góða vinnu út í Bandaríkjunum að ég held að hún sé hætt í fótbolta. Það er synd því hún er mjög góður leikmaður."

Fyrr í vetur samdi Monica Wilhelm við Tindastól en þar er á ferðinni annar bandarískur markvörður sem lék með háskólanum í Iowa í fimm ár. Hún er 23 ára gömul.

Var meidd nánast allt sumarið
Tindastóll er í annað sinn að fara að taka þátt í Bestu deild kvenna í sumar. Aðalstjarna liðsins er áfram sóknarmaðurinn Murielle Tiernan sem hefur raðað inn mörkum í neðri deildum. Hún skoraði hins vegar aðeins tvö mörk í 17 leikjum síðast þegar hún lék í efstu deild. Meiðsli hafa sett strik í reikninginn hjá Murielle.

„Murielle var meidd nánast allt sumarið þegar þær voru í efstu deild síðast. Ég vona að hún sé heil núna því fólk á skilið að sjá hana í réttri mynd," sagði Jón Stefán og bætti við:

„Það er frábær leikmaður og frábær manneskja."

Hægt er að hlusta á alla umræðuna hér að neðan en það verður ekki auðvelt að fara á Sauðárkrók í sumar og sækja þrjú stig.
Heimavöllurinn: Ótímabær spá fyrir Bestu deildina 2023
Athugasemdir
banner
banner
banner
banner