Ítalía: Góð endurkoma hjá Atalanta

Liðið hafði ekki unnið í síðustu fjórum leikjum sínum og frammistaða liðsins að valda miklum áhyggjum.

Heimamenn lentu undir þegar lítið var eftir af fyrri hálfleiknum er Tyronne Ebuehi skoraði fyrir Empoli.

Marten de Roon jafnaði með skalla á 58. mínútu áður en danski framherjinn Rasmus Hojlund tryggði Atalanta sigurinn þegar fjórar mínútur voru eftir af leiknum.

Atalanta er í 6. sæti deildarinnar og á enn í baráttunni um Meistaradeildar sætið en liðið er með 45 stig, þremur stigum á eftir Milan sem er í 4. sætinu.

Spezia er áfram í basli í neðri hlutanum eftir að liðið tapaði fyrir Sassuolo, 1-0. Domenico Berardi gerði sigurmarkið úr vítaspyrnu þegar tuttugu mínútur voru eftir.

Spezia er í 17. sæti með 24 stig, fimm stigum frá fallsæti en Sassuolo siglir lygnan sjó um miðja deild með 36 stig.

Úrslit og markaskorarar:

Atalanta 2 - 1 Empoli
0-1 Tyronne Ebuehi ('44 )
1-1 Marten de Roon ('58 )
2-1 Rasmus Hojlund ('86 )

Sassuolo 1 - 0 Spezia
1-0 Domenico Berardi ('71 , víti)