KA vann góðan 2-1 sigur gegn FH á Kaplakrikavelli. KA hafa stigið up pí undanförnum leikjum og hafa nú unnið 3 leiki í röð í deildinn.
Hallgrímur Jónasson var sáttur eftir leik þegar Fótbolti.net ræddi við hann eftir leik.
„Já, gríðarlega ánægður, ánægður með liðið mitt. Við náttúrulega erum að snerta gras í fyrsta skipti í mjög langan tíma. Maður er alltaf svona smá óviss hvernig það gengur. Mér fannst bæði liðin ráða ágætlega við það að spila á grasi. Ég var bara svo ánægður með í rauninni bæði fyrri hálfleikinn og seinni hálfleikinn". sagði brosmildur þjálfari KA eftir leik.
„Mér fannst við vera klókir bæði í fyrri hálfleik og seinni hálfleik. Við komumst aleinir í gegn hérna í lok fyrri hálfleiks sem uppsker rautt spjald og það breytir leikmyndinni auðvitað þegar við löbbum inn í hálfleikinn".
Kristján Snær, leikmaður FH fékk að líta rauða spjaldið undir lok fyrri hálfleik.
"Leikmyndin náttúrulega breytist. Ég er að breyta þessu. Uppleggið fyrir seinni hálfleikinn, nýkomið rautt spjald og við þurftum svona að finna hvar væru opnanir. Við ræddum það í hálfleik og mér fannst við komast í margar góðar stöður".
"Við töluðum um að fjölga mönnum inn í teig og keyra á þá. Við ætluðu að vinna leikinn þó að við værum búnir að jafna hann. Sem betur fer þá tókst það í lokin". sagði Hallgrímur sáttur að lokum.
