„Ástæðan fyrir því að maður er í þessum fótbolta er þessi sigurtilfinning sem maður fær eftir sigurleiki," sagði Lárus Orri Sigurðsson, þjálfari ÍA, eftir sigur liðsins á Þór í dag.
Lestu um leikinn: Þór 1 - 2 ÍA
„Við gerðum okkur óþraflega erfitt fyrir. Vorum miklu betri aðilinn í fyrri hálfleik, hefðum átt að vera með meira en eins marks forskot. Komum út í seinni háflleikinn og þeir stíga aðeins á okkur en við stöndum það af okkur. Um miðjan seinni hálfleikinn vorum við mun sterkari aðilinn."
Aron Birkir Stefánsson varði vítaspyrnu frá Viktori Jónssyni eftir klukkutíma leik og Þórsarar fengu góð tækifæri til að jafna metin í kjölfarið.
„Þetta voru erfiðar síðustu fimmtán mínútur. Ég held að það hafi verið mjög gott fyrir liðið að við skildum hafa staðið þetta af okkur. Það sem af er þessu tímabili hefur gengið vel hjá okkur þó stigasöfnunin hafi ekki verið góð. Það hefur einn leikur, Keflavíkurleikurinn, sem hefur ekki verið góður en restin hafa verið fínir en stigasöfnunin ekki komið. Það var mjög sætt að landa þessum þremur stigum," sagði Lárus Orri.
Menn í þjálfarateymi Skagamanna eru orðnir ansi skeggjaðir og það er saga á bakvið það.
„Við tókum okkur saman upp á skrifstofu og skrifuðum undir samning okkar á milli að allir í þjálfarateyminu og flestir upp á skrifstofu að raka ekki skeggið okkar fyrr en við förum út úr bikarnum. Ef þú lítur yfir bekkinn hjá okkur eru menn orðnir ansi skeggjaðir og vonandi verður það eitthvað fram í september," sagði Lárus Orri léttur.
