Rúnar sagður kosta 1,6 milljón punda - Líklega ekki á bekk um helgina

Hann á að fylla skarð markvarðarins Emiliano Martinez sem fór til Aston Villa á 20 milljónir punda í vikunni. Rúnar á að vera varamarkvörður á eftir Bernd Leno að sögn Sky.

Matt Macey var á bekknum gegn Fulham um síðustu helgi og hann verður væntanlega einnig varamarkvörður gegn West Ham á laugardaginn þar sem ólíklegt þykir að Rúnar Alex verði kominn með leikheimild í tæka tíð.

Eftir þann leik mun Macey fá grænt ljós á að fara frá Arsenal þar sem Rúnar á að vera varamarkvörður liðsins að sögn Sky.

Hinn 25 ára gamli Rúnar Alex hefur verið á mála hjá Dijon undanfarin tvö tímabil en hann lék áður með Nordsjælland í Danmörku. Hjá Nordsjælland var markmannsþjálfari hans Inaki Cana sem er í dag markmannsþjálfari Arsenal.