England í dag - Eini leikurinn sem er í miðri viku

Það er einn leikur í ensku úrvalsdeildinni þennan miðvikudaginn þar sem botnlið Wolves tekur á móti toppliði Arsenal.

Þetta er eini leikurinn sem er í miðri viku núna en hann átti upprunalega að fara fram eftir rúman mánuð. Af hverju fer hann fram núna?

Jú, ástðan fyrir því er sú að Arsenal er að fara að spila gegn Manchester City í úrslitaleik deildabikarsins í næsta mánuði. Einnig þarf að færa leik City gegn Crystal Palace en ekki var hægt að færa hann fram í þessa viku þar sem Palace er að spila í umspili Sambandsdeildarinnar á fimmtudag.