Championship: Coventry og Birmingham með sigra

Rotherham varð af mikilvægu stigi í dag þegar Birmingham vann útisigur gegn liðinu. Sigurmarkið kom á 88. mínútu. Stigin þrjú eru góð fyrir Birmingham því liðið er nú níu stigum fyrir ofan Rotherham í fallbaráttunni.

Rotherham er í fallsæti með 39 stig, fjórum stigum frá Derby en Rotherham á tvo leiki til góða.

Coventry vann þá 2-0 sigur á Barnsley og er liðið með jafnmörg stig og Birmingham. Barnsley er í baráttunni um umspilssæti, er fjórum stigum fyrir ofan Reading þegar fjórar umferðir eru eftir. Barnsley er í 6. sæti sem er neðsta umspilssætið.