Byrjunarlið Arsenal og Burnley: Gyökeres bekkjaður

Mynd: EPA

Arsenal tekur á móti föllnu liði Burnley í gríðarlega mikilvægum leik fyrir Mikel Arteta og lærlinga hans sem eru í harðri titilbaráttu við Manchester City.

Arteta gerir þrjár breytingar á byrjunarliðinu sem vann naumlega gegn West Ham í síðustu umferð. Kai Havertz kemur inn í fremstu víglínu fyrir Viktor Gyökeres og tekur Martin Ödegaard sér stöðu á miðjunni í stað Myles Lewis-Skelly á meðan Cristhian Mosquera fer í hægri bakvarðarstöðuna í stað Ben White sem er að glíma við meiðsli.

Gyökeres er markahæsti leikmaður Arsenal á tímabilinu en liðið hefur meiri þörf á honum í öðrum tegundum af leikjum. Havertz er betri í litlu plássi á meðan helstu styrkleikar Gyökeres eru bersýnilegir þegar meira er um pláss á vellinum og leikurinn fer ekki aðallega fram á vallarhelmingi andstæðinganna.

Arsenal mætir til leiks með sóknarsinnað lið þar sem Ebereechi Eze og Ödegaard eru á miðjunni ásamt Declan Rice. Arteta vill sjá sigur í kvöld og helst stórsigur til þess að bæta markatöluna sem gæti ráðið úrslitum í titilbaráttunni.

Michael Jackson, bráðabirgðaþjálfari Burnley, mætir til leiks með sama byrjunarlið og náði 2-2 jafntefli gegn Aston Villa um síðustu helgi. Burnley sýndi frábæra frammistöðu gegn sterkum andstæðingum í þeim leik.

Arsenal: Raya, Mosquera, Saliba, Gabriel, Calafiori, Rice, Odegaard, Eze, Saka, Trossard, Havertz.
Varamenn: Kepa, Hincapie, Jesus, Martinelli, Gyokeres, Madueke, Zubimendi, Lewis-Skelly, Dowman.

Burnley: Weiss, Walker, Esteve, Tuanzebe, Pires, Ugochukwu, Florentino, Anthony, Tchaouna, Hannibal, Flemming.
Varamenn: Dubravka, Hartman, Worrall, Bruun Larsen, Edwards, Humphreys, Ward-Prowse, Amdouni, Laurent.

Mynd: EPA

Stöðutafla

#	Lið	L	mun	Stig
1	Man City	3	+5	9
2	Arsenal	3	+5	9
3	Hull City	3	+3	7
4	Chelsea	3	+1	6
5	Brentford	3	+3	5
6	Liverpool	3	+2	5
7	Newcastle	3	+2	5
8	Everton	3	+2	5
9	Leeds	3	+1	5
10	Brighton	3	+3	4
11	Man Utd	3	+1	4
12	Sunderland	3	0	4
13	Crystal Palace	3	-4	3
14	Ipswich Town	3	-4	3
15	Bournemouth	3	-1	2
16	Nott. Forest	3	-1	2
17	Aston Villa	3	-5	1
18	Tottenham	3	-5	1
19	Fulham	3	-3	0
20	Coventry	3	-5	0