KA vann góðan 2-0 sigur á HK í Pepsi Max-deild karla, í dag. Eftir að hafa leikið alla heimaleiki sína til þessa á Dalvík, þá færðu KA menn sig aftur á Greifavöllinn í dag. Hallgrímur Jónasson var gríðarlega ánægður með stigin þrjú og endurkomuna á heimavöll þeirra gulklæddu.

„Bara frábært. Mikilvæg stig, vorum ekki búnir að vinna í langan tíma þannig að við erum gríðarlega ánægðir. Frábært að spila heimaleikina á Akureyri, fullt af fólki og frábært veður þannig að þetta var bara gaman,'' sagði Hallgrímur Jónasson, aðstoðarþjálfari KA eftir leik.

Lestu um leikinn: KA 2 -  0 HK

Mikið hefur verið ritað og rætt um afleitt ástand Greifavallarins og þrátt fyrir að HK-ingar spili sína leiki innandyra á gervigrasi Kórsins, þá fannst Hallgrími gestirnir höndla völlinn betur en KA.

„Sérstaklega í fyrri hálfleik fannst mér þeir spila betri fótbolta en við. Þeir voru flottir og bara hrós til þeirra, en við skoruðum mörkin og það hefur svolítið vantað undanfarið að klára leikina. Höfum spilað góða leiki en ekki unnið.''

Aðspurður sagði Hallgrímur að ekki væri í spilunum að sækja sér styrkingu í glugganum.

Viðtalið má sjá í heild sinni í spilaranum hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit