Frá Víkingur Ó. - Kormákur/Hvöt í sumar.
Grótta komst upp í 2. deild um síðustu helgi.
Undanúrslit Fótbolti.net bikarsins, bikarkeppni neðri deilda, verða leikin um helgina en leikið verður til þrautar og barist um sæti í úrslitaleiknum sjálfum sem verður á hybrid grasi Laugardalsvallar föstudagskvöldið 26. september.
Þetta er þriðja tímabilið sem þessi skemmtilega keppni, yngsta og sprækasta bikarkeppni landsins, fer fram. Víðir í Garði varð fyrst félaga til að lyfta bikarnum á Laugardalsvelli og í fyrra var það Selfoss sem fagnaði sigri gegn KFA í úrslitaleik.
Það kemur nýtt nafn á bikarinn þetta árið. Tindastóll, sem hafnaði í fjórða sæti þriðju deildar, tekur á móti Kormáki/Hvöt, sem endaði í fjórða sæti deild ofar, í spennandi grannaslag á Sauðárkróki annað kvöld.
Á laugardag tekur Grótta, sem endaði í öðru sæti 2. deildar og komst upp í Lengjudeildina, á móti Víkingi Ólafsvík, sem endaði í 8. sæti í sömu deild.
Baldvin Már Borgarsson, sérfræðingur Fótbolta.net og fyrrum þjálfari Árbæjar, spáir í undanúrslitin:
Þetta er þriðja tímabilið sem þessi skemmtilega keppni, yngsta og sprækasta bikarkeppni landsins, fer fram. Víðir í Garði varð fyrst félaga til að lyfta bikarnum á Laugardalsvelli og í fyrra var það Selfoss sem fagnaði sigri gegn KFA í úrslitaleik.
Það kemur nýtt nafn á bikarinn þetta árið. Tindastóll, sem hafnaði í fjórða sæti þriðju deildar, tekur á móti Kormáki/Hvöt, sem endaði í fjórða sæti deild ofar, í spennandi grannaslag á Sauðárkróki annað kvöld.
Á laugardag tekur Grótta, sem endaði í öðru sæti 2. deildar og komst upp í Lengjudeildina, á móti Víkingi Ólafsvík, sem endaði í 8. sæti í sömu deild.
Baldvin Már Borgarsson, sérfræðingur Fótbolta.net og fyrrum þjálfari Árbæjar, spáir í undanúrslitin:
Tindastóll 1 - 3 Kormákur/Hvöt (19:15 á föstudagskvöld)
Grannaslagur under the lights at a friday night við Skagfirðingabúð, þvílíkur leikur sem þessi keppni er að bjóða okkur uppá hérna. Gunni Birgis vs Ingvi Blanco, Auddi Blö vs Stebbi Ólafs, já Stólastuðningsmenn kannski aðeins þekktari en Húnvetningar eru orðnir stóra liðið í fótboltanum á svæðinu.
Goran Potkozarac mun snúa Adda Ólafs í svona sjö hringi inná vellinum, skora á Nikola og klobba Sverri Vopnfirðing, þetta verður einhver sýning.
Siggi Aadnegard mun svo kóróna sitt tímabil með einhverri sleggju sem annaðhvort syngur í samúel eða endar lengst inn í dalnum þarna milli hólanna sem ég veit ekki hvað kallast. Dom Furness gegn gömlu félögunum mun syngja og tralla eftir að tryggja sér farseðilinn á Laugardalsvöll.
Grótta 3 - 2 Víkingur Ólafsvík (14:00 á laugardag)
Gróttumenn eru mögulega besta liðið í þessari keppni, stöðugir í 2. deildinni og enduðu á að tryggja sér sæti í Lengjudeildinni með frábærum endasprett, þeir ættu að öllu eðlilegu að klára Ólsarana en þetta verður samt alvöru leikur.
Ingó Sig gæti kvatt Ólafsvíkina með einhverju sturluðu marki á Vivaldi, Andri Freyr hefur reynst Seltirningum drjúgur og mun skora en ég er þó spenntastur að sjá hvort BigBoStevens fái ekki að snerta völlinn í þessum leik, ef hann gerir það þá er nokkuð ljóst að hann mun skora og tryggja Gróttuna á Laugardalsvöll.
Athugasemdir
