Viktor Karl skoraði sigurmark Blika
Sveinn Gísli kom Víkingum upp að hlið KR á toppi riðilsins
Breiðablik vann sinn fyrsta leik í Lengjubikarnum þetta árið er liðið lagði FH að velli, 1-0, á Kópavogsvelli í kvöld. Víkingar unnu þá KR, 1-0, í Víkinni og stefnir allt í spennandi lokaumferð í C-riðlinum.
Blikar höfðu tapað fyrstu tveimur leikjum sínum gegn Fylki og Þrótti, og sigurinn í kvöld því kærkominn.
Viktor Karl Einarsson skoraði sigurmark Blika á 78. mínútu leiksins, en Blikar eru áfram í 5. sæti í D-riðli A-deildar með 3 stig, einu stigi frá FH og ÍBV sem eru í 3. og 4. sæti með 4 stig.
Íslandsmeistarar Víkings eru komnir aftur á sigurbraut eftir að hafa unnið 1-0 sigur á KR í Víkinni.
Sveinn Gísli Þorkelsson skoraði eina mark leiksins á 74. mínútu.
Víkingar töpuðu stigum í síðustu tveimur leikjum en eru nú komnir með sjö stig og upp að hlið KR á toppnum þegar liðin eiga einn leik eftir í C-riðlinum. KR er hins vegar með töluvert betri markatölu en Víkingar.
Víkingar mæta ÍR í lokaumferðinni á meðan KR spilar við Njarðvík.
Úrslit kvöldsins:
Víkingur R. 1 - 0 KR
1-0 Sveinn Gísli Þorkelsson ('74 )
Breiðablik 1 - 0 FH
1-0 Viktor Karl Einarsson ('78 )
Lengjubikar karla - A-deild, riðill 3
| Lið | L | U | J | T | Mörk | mun | Stig |
|---|---|---|---|---|---|---|---|
| 1. KR | 5 | 3 | 1 | 1 | 16 - 6 | +10 | 10 |
| 2. Víkingur R. | 5 | 3 | 1 | 1 | 6 - 3 | +3 | 10 |
| 3. Njarðvík | 5 | 2 | 1 | 2 | 8 - 9 | -1 | 8 |
| 4. ÍR | 5 | 2 | 2 | 1 | 11 - 13 | -2 | 7 |
| 5. KA | 5 | 1 | 3 | 1 | 5 - 7 | -2 | 4 |
| 6. Grindavík | 5 | 0 | 3 | 2 | 5 - 13 | -8 | 2 |
Lengjubikar karla - A-deild, riðill 4
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Fylkir | 5 | 4 | 1 | 0 | 13 - 5 | +8 | 12 |
| 2. Þróttur R. | 4 | 3 | 1 | 0 | 11 - 8 | +3 | 9 |
| 3. Leiknir R. | 5 | 2 | 3 | 0 | 7 - 13 | -6 | 6 |
| 4. FH | 5 | 1 | 3 | 1 | 8 - 6 | +2 | 4 |
| 5. ÍBV | 3 | 1 | 1 | 1 | 5 - 5 | 0 | 4 |
| 6. Breiðablik | 4 | 1 | 3 | 0 | 3 - 10 | -7 | 3 |
Athugasemdir
