Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 19. mars 2023 21:16
Jóhann Þór Hólmgrímsson
Baulað á Messi fyrir tap gegn Rennes
Mynd: EPA

Það hefur lítið gengið upp hjá PSG undanfarið en liðið féll úr leik í Meistaradeildinni eftir tap gegn Bayern Munchen fyrir rúmri viku síðan.


Liðið tapaði fyrir rúmum mánuði síðan gegn Monaco í deildinni en hafði unnið fjóra deildarleiki í röð fyrir viðureign gegn Rennes í dag.

Kylian Mbappe kom boltanum í netið eftir rúmlega 20 mínútna leik en markið var réttilega dæmt af þar sem hann var vel fyrir innan vörnina þegar hann fékk boltann.

Rennes komst yfir í leiknum undir lok fyrri hálfleiks og tvöfaldaði forystuna strax í upphafi síðari hálfleiks.

Það vakti athygli fyrir leikinn þegar Lionel Messi var kynntur til leiks virtist stór hluti stuðningsmanna PSG baula á hann.

Eins og staðan er núna er PSG með sjö stiga forystu á toppnum á Marseille sem er 2-1 yfir gegn Reims þegar um það bil stundarfjórðungur er til leiksloka.


Athugasemdir
banner
banner
banner
banner