Byrjunarlið Chelsea og Tottenham: Joao Pedro ekki í hóp

Kinský heldur byrjunarliðssætinu

Mynd: EPA

Chelsea og Tottenham eigast við í hatrömmum nágrannaslag í ensku úrvalsdeildinni í kvöld. Það er gríðarlega mikið undir fyrir bæði lið þar sem Chelsea þarf sigur í Evrópubaráttunni á meðan Tottenham nægir jafntefli í fallbaráttunni.

Joao Pedro er ekki í hóp hjá Chelsea þar sem hann er tæpur líkamlega eftir að hafa spilað 86 mínútur um helgina. Þetta hafa verið tilfinningaþrungnir dagar fyrir Joao Pedro sem komst að því að hann var ekki valinn í 26-manna landsliðshóp Brasilíu fyrir HM degi áður en hann var valinn besti leikmaður Chelsea á tímabilinu.

Calum McFarlane bráðabirgðaþjálfari Chelsea gerir fjórar breytingar á byrjunarliði Chelsea sem tapaði úrslitaleik bikarsins naumlega gegn Manchester City um helgina. Liam Delap tekur sæti Joao Pedro í fremstu víglínu og þá koma Josh Acheampong, Andrey Santos og Pedro Neto inn í byrjunarliðið fyrir Reece James, Levi Colwill og Malo Gusto.

Roberto De Zerbi teflir fram óbreyttu byrjunarliði Tottenham þriðja leikinn í röð en liðið rétt marði jafntefli gegn Leeds í síðustu umferð.

Antonín Kinský er á sínum stað á milli stanganna eftir frábærar vörslur gegn Leeds og sest Guglielmo Vicario á bekkinn en hann er loksins búinn að jafna sig eftir meiðsli.

Chelsea: Sanchez; Acheampong, Fofana, Hato, Cucurella; Caicedo, Santos; Palmer, Fernandez, Neto, Delap.
Varamenn: Jörgensen, Sarr, Chalobah, James, Essugo, Garnacho, Derry, Kavuma-McQueen, Mhueka.

Tottenham: Kinsky, Porro, Danso, Van de Ven, Udogie, Gallagher, Bentancur, Palhinha, Kolo Muani, Richarlison, Tel.
Varamenn: Vicario, Dragusin, Bissouma, Maddison, Gray, Bergvall, Spence, Sarr, Souza.

Mynd: EPA

Stöðutafla

#	Lið	L	mun	Stig
1	Man City	3	+5	9
2	Arsenal	3	+5	9
3	Hull City	3	+3	7
4	Chelsea	3	+1	6
5	Brentford	3	+3	5
6	Liverpool	3	+2	5
7	Newcastle	3	+2	5
8	Everton	3	+2	5
9	Leeds	3	+1	5
10	Brighton	3	+3	4
11	Man Utd	3	+1	4
12	Sunderland	3	0	4
13	Crystal Palace	3	-4	3
14	Ipswich Town	3	-4	3
15	Bournemouth	3	-1	2
16	Nott. Forest	3	-1	2
17	Aston Villa	3	-5	1
18	Tottenham	3	-5	1
19	Fulham	3	-3	0
20	Coventry	3	-5	0