Arnar Gunnlaugsson var svekktur eftir 1-0 tap sinna manna gegn KR í Pepsi Max-deildinni í kvöld. Kristján Flóki skoraði eina mark leiksins í fyrri hálfleik.

„Þetta var svekkjandi. Fyrri hálfleikur var svona bardagaleikur, það var lítið um gæði fótboltalega séð. Við vorum svolítið undir í baráttunni, krakkarnir voru að spila," sagði Arnar og hlær.

Lestu um leikinn: KR 1 -  0 Víkingur R.

„Í síðari hálfleik höfðum við talsverða yfirburði á boltann án þess þó að skapa okkur afgerandi færi. Það vantaði smá herslumun. KR bakkaði og bakkaði og þeir voru greinilega mjög þreyttir. Heilt yfir var þetta ekki besti leikur í heimi."

„Mér fannst smá 'bikarþynnka' í báðum liðum. Okkur vantaði svona 5% á öllum sviðum til þess að geta unnið leikinn. Til hamingju KR-ingar."

Arnar segir að KR liðið sé stútfullt og af reynslu og þeir kunni manna best að vinna svona leiki.

„Það eru meistarar í KR-liðinu sem að kunna þetta. Þeir drápu leikinn niður í síðari hálfleik og nýttu sér alla sína reynslu."

Nánar er rætt við Arnar í spilaranum hér að ofan.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit