ÍA varð í gær bikarmeistari í 2. flokki karla þegar liðið vann 3-2 sigur gegn Breiðabliki í úrslitaleik á Kópavogsvelli.

Jón Breki Guðmundsson, Börkur Bernharð Sigmundsson og Axel Freyr Ívarsson skorðu mörk Skagamanna en Atli Þór Gunnarsson gerði bæði mörk Breiðabliks.

ÍA, sem teflir fram liði með Kára og Skallagrími í þessum aldursflokki, var 1-0 yfir í hálfleik. Atli jafnaði í byrjun seinni hálfleiks en Skagamenn komust í 3-1 áður en Blikar minnkuðu muninn á 76. mínútu.