Man Utd reynir við Branthwaite - Slot hefur áhuga á Watkins - Sesko efstur á blaði Arsenal
   lau 20. apríl 2024 18:12
Brynjar Ingi Erluson
Besta deildin: Rúnar Kristins hafði betur gegn gömlu lærisveinunum - 18 ára með sigurmarkið
Freyr Sigurðsson fagnar sínu fyrsta marki í efstu deild
Freyr Sigurðsson fagnar sínu fyrsta marki í efstu deild
Mynd: Fótbolti.net - Hafliði Breiðfjörð
Rúnar Kristinsson, þjálfari Fram, var að stýra liðinu gegn sínum gömlu félögum
Rúnar Kristinsson, þjálfari Fram, var að stýra liðinu gegn sínum gömlu félögum
Mynd: Fótbolti.net - Hafliði Breiðfjörð
KR 0 - 1 Fram
0-1 Freyr Sigurðsson ('7 )
Lestu um leikinn

Fram vann annan leik sinn í Bestu deild karla á tímabilinu er liðið lagði KR að velli, 1-0, á AVIS-vellinum í Laugardalnum í kvöld. Rúnar Kristinsson var að mæta KR í fyrsta deildarleiknum síðan hann yfirgaf félagið eftir síðasta tímabil.

Hinn 18 ára gamli Hornfirðingur, Freyr Sigurðsson, var að byrja sinn fyrsta deildarleik með Fram og hélt hann upp á það með því að gera eina mark leiksins.

Það kom á 7. mínútu. Fred og Tiago spiluðu boltanum sín á milli áður en hann var færður út á Magnús Inga Þórðarson. Hann kom boltanum inn í teiginn og á Frey sem skoraði sitt fyrsta deildarmark.

Framarar voru betri aðilinn í fyrri hálfleiknum á meðan KR átti erfitt með að skapa hættu fyrir framan mark gestanna.

KR-ingar náðu að ógna aðeins meira í þeim síðari. Boltinn hafnaði í stöng eftir hornspyrnu Atla Sigurjónssonar á 69. mínútu, en það var þó örlítið bras á liðinu varnarlega. Guy Smit kom sér í klandur stuttu áður er hann fékk gula spjaldið eftir að hann fleygði sér í tæklingu eftir að hafa misst boltann.

Heimamenn náðu ekki í jöfnunarmarkið sem þeir voru í leit að og lokatölur því 1-0 Fram í vil.

Fram og KR eru bæði með 6 stig eftir þrjár umferðir.
Besta-deild karla
Lið L U J T Mörk mun Stig
1.    Víkingur R. 8 7 0 1 19 - 7 +12 21
2.    Breiðablik 8 6 0 2 21 - 11 +10 18
3.    Valur 8 4 3 1 13 - 8 +5 15
4.    Stjarnan 8 4 1 3 14 - 9 +5 13
5.    FH 8 4 1 3 13 - 13 0 13
6.    Fram 8 3 3 2 9 - 9 0 12
7.    KR 8 3 2 3 15 - 14 +1 11
8.    ÍA 8 3 1 4 15 - 11 +4 10
9.    HK 8 2 1 5 8 - 15 -7 7
10.    Vestri 8 2 1 5 7 - 18 -11 7
11.    KA 8 1 2 5 11 - 20 -9 5
12.    Fylkir 8 1 1 6 10 - 20 -10 4
Athugasemdir
banner
banner
banner