Oleksandr Zinchenko, vinstri bakvörður Manchester City, segir Leroy Sane hafa komið til baka alltof þungan eftir að hafa verið frá keppni í níu mánuði.
Sane meiddist alvarlega síðasta sumar og var að ná sér aftur þegar kórónuveiran skall á.
„Ég þekkti Sane ekki í fyrstu, ég hélt fyrst að þetta væri rútubílstjórinn okkar. Ég spurði hann út í möguleg félagaskipti til Bayern en hann vildi ekki tala um það," er haft eftir Zinchenko í úkraínskum fjölmiðlum.
„Hann á í vandræðum með þyngdina, mér var sagt að hann sé búinn að bæta sjö kílóum á sig."
Sane hefur verið orðaður við Bayern undanfarna mánuði og virðast félagaskipti í sumar vera líkleg, ef félögin komast að samkomulagi um kaupverð.
Athugasemdir
