20.07.21 - 18:30
Brynjar Ingi Erluson
Ajer að ganga til liðs við Brentford
Kristoffer Ajer er á leið í ensku úrvalsdeildina
Mynd: Getty Images
Kristoffer Ajer er á leið í ensku úrvalsdeildina
Mynd: Getty Images
Enska úrvalsdeildarfélagið Brentford er að ganga frá kaupum á norska varnarmanninum Kristoffer Ajer en hann kemur frá Celtic í Skotlandi.
Ajer er 23 ára gamall og er miðjumaður að upplagi en hefur verið að spila í hjarta varnarinnar hjá Celtic.
Hann hefur síðustu ár verið orðaður við mörg af stærstu félögum Evrópu en er nú á leið í ensku úrvalsdeildina.
Brentford, sem kom sér upp í úrvalsdeildina fyrir tímabilið, hefur náð samkomulagi við Celtic um kaup á leikmanninum en Brentford greiðir 13,5 milljónir punda fyrir þjónustu hans.
Ajer stóðst læknisskoðun í dag og verður kynntur sem nýr leikmaður félagsins á næstu dögum.
Sænski landsliðsmaðurinn Carl Starfelt kemur til Celtic í stað Ajer en er á mála hjá Rubin Kazan í Rússlandi.
Hann hefur síðustu ár verið orðaður við mörg af stærstu félögum Evrópu en er nú á leið í ensku úrvalsdeildina.
Brentford, sem kom sér upp í úrvalsdeildina fyrir tímabilið, hefur náð samkomulagi við Celtic um kaup á leikmanninum en Brentford greiðir 13,5 milljónir punda fyrir þjónustu hans.
Ajer stóðst læknisskoðun í dag og verður kynntur sem nýr leikmaður félagsins á næstu dögum.
Sænski landsliðsmaðurinn Carl Starfelt kemur til Celtic í stað Ajer en er á mála hjá Rubin Kazan í Rússlandi.
