Daði skrifar undir samning við FH út 2022

Markvörðurinn Daði Freyr Arnarsson skrifaði í dag undir nýjan samning við FH sem gildir út keppnistímabilið 2022.

Daði, sem er 20 ára, kom til FH fyrir tímabilið 2016 frá Vestra. Hann fór svo á láni til Vestra tímabilin 2017 og 2018 en hefur í sumar spilað með FH 12 leiki í deild og bikar og fengið lof fyrir frammistöðu sína.

Hann hefur haldið Gunnari Nielsen, landsliðsmarkverði Færeyja, á bekknum.

Daði hefur spilað fyrir öll yngri landslið Íslands.

<i>„Við FH-ingar bindum miklar vonir við Daða í framtíðinni,"</i> segir í tilkynningu FH.