Mikel Arteta, stjóri Arsenal, segist vita hvaða leikmaður það var sem lak upplýsingum af æfingu til fjölmiðla.
Dani Ceballos og David Luiz slógust á æfingu fyrr á tímabilinu og fréttir af því birtust í fjölmiðlum.
Dani Ceballos og David Luiz slógust á æfingu fyrr á tímabilinu og fréttir af því birtust í fjölmiðlum.
„Ég er ekki ánægður með þetta og mun komast að því hvaðan þetta kom," sagði Arteta um lekann í nóvember.
Aðspurður hvort hann hafi komist til botns í málinu sagði Arteta í dag: „Já, ég hef hugmynd um það."
Arteta sagðist ekki vilja tjá sig um það hvort viðkomandi leikmaður sé á förum frá Arsenal í þessum mánuði en Bæði Mesut Özil og Sokratis Papastathopoulos hafa gert starfslok við Arsenal undanfarna daga.
Athugasemdir
