Spánn í dag - Orri gegn botnliðinu og Madrídarliðin mæta til leiks

Orri Steinn hefur verið að koma inn af bekknum í hverjum leik eftir endurkomu úr meiðslum og er búinn að skora tvö mörk í síðustu fimm innkomum. Sociedad er með 31 stig eftir 24 umferðir, fjórum stigum frá evrópusæti.

Antony og félagar í sterku liði Real Betis taka svo á móti fallbaráttuliði Rayo Vallecano og geta reynt að blanda sér í meistaradeildarbaráttuna með sigri. Betis er aðeins fjórum stigum á eftir Atlético Madrid sem situr í síðasta meistaradeildarsætinu.

Topplið Real Madrid getur komist í fimm stiga forystu með sigri á útivelli gegn Osasuna áður en Atlético spilar lokaleik kvöldsins við spútnik lið Espanyol sem hefur gengið hörmulega að undanförnu.

Atlético þarf á sigri að halda eftir tvo tapleiki og jafntefli í síðustu þremur deildarleikjum. Bið Espanyol eftir sigri hefur hingað til verið meira en tvöfalt lengri heldur en hjá andstæðingum kvöldsins.

Espanyol er með tvö jafntefli og fimm töp í síðustu sjö umferðum, en liðið situr ennþá í evrópusæti sem stendur. Það gæti þó breyst á morgun.

Spánn: La Liga
13:00 Real Sociedad - Real Oviedo
15:15 Real Betis - Rayo Vallecano
17:30 Osasuna - Real Madrid
20:00 Atletico Madrid - Espanyol