„Það síðasta sem ég heyrði var að hann fengi að mæta á æfingu á morgun (í dag) en ég á eftir að sjá það gerast því honum var líka lofað að hann fengi að mæta á æfingu eftir Fylkisleikinn," sagði Gunnar Birgisson en Gary Martin hefur ekki fengið að æfa með Val að undanförnu.

Magnús Már Einarsson var spurður að því hvort hann sæi Gary Martin spila aftur fyrir Val?

„Nei ég held ekki. Miðað við hvernig þetta er að þróast sé ég það ekki gerast. Ég held að Valur haldi áfram að spila á þessum mönnum fram á við sem hafa spilað núna," sagði Magnús.

„Ég held að þetta hljóti að enda á því að Gary Martin fari í júlíglugganum."

Tómas Þór Þórðarson vill þó ekki útiloka það að Gary Martin muni spila aftur fyrir Valsliðið.

„Ef þeir hefðu unnið í kvöld þá hefði ég sagt nei en núna gæti Óli kyngt stoltinu;" sagði Tómas Þór.

5. umferð Pepsi Max krufin af okkar mönnum #fotboltinet https://t.co/54DDzlBZFJ

— Fótbolti.net (@Fotboltinet) May 21, 2019