Toney og David á blaði Man Utd - Bayern vill varnarmann Liverpool - Chelsea endurvekur áhuga á Duran - Luiz nálgast Juventus
   þri 21. maí 2024 21:41
Brynjar Ingi Erluson
Lengjudeildin: Umdeilt rautt spjald í fyrsta sigri Keflvíkinga
Sami Kamel skoraði tvö fyrir Keflavík
Sami Kamel skoraði tvö fyrir Keflavík
Mynd: Fótbolti.net - Hafliði Breiðfjörð
Arnar Daði Jóhannesson, markvörður Aftureldingar, fékk rauða spjaldið á 26. mínútu
Arnar Daði Jóhannesson, markvörður Aftureldingar, fékk rauða spjaldið á 26. mínútu
Mynd: Fótbolti.net - Hafliði Breiðfjörð
Keflavík 3 - 0 Afturelding
1-0 Sami Kamel ('30 , víti)
2-0 Sami Kamel ('66 )
3-0 Valur Þór Hákonarson ('80 )
Rautt spjald: Arnar Daði Jóhannesson, Afturelding ('26) Lestu um leikinn

Keflavík vann öruggan 3-0 sigur á Aftureldingu í 3. umferð Lengjudeildar karla á HS Orku-vellinum í kvöld. Gestirnir spiluðu manni færri frá 26. mínútu eftir að Arnar Daði Jóhannesson, markvörður Aftureldingar, fékk að líta rauða spjaldið.

Heimamenn voru meira og minna með völdin fram að rauða spjaldinu.

Arnar Daði ver öflugur í marki gestanna og varði allt sem kom í áttina að honum.

Besta færi Keflvíkinga fékk Ari Steinn Guðmundsson eftir að Arnar Daði hafði varið skot Mamadou Diaw en Ari setti frákastið í stöng.

Nokkrum mínútum síðar kom upp áhugaverð staða. Arnar Daði fékk rauða spjaldið fyrir að sparka niður Sami Kamel inn í teignum.

Arnar fékk sendingu til baka en kom sér í einhvern klaufaskap sem Sami nýtti sér. Hann pressaði Arnar, stal boltanum og því tók Arnar til þeirra ráða að brjóta á leikmanninum.

Markvörðurinn fékk rauða spjaldið fyrir þetta og hafði það veruleg áhrif á lið Aftureldingar enda aðeins 26 mínútur búnar af leiknum.

Birkir Haraldsson, varamarkvörður Aftureldingar, kom inn á fyrir Bjarna Pál Linntel Runólfsson. Birkir giskaði á rétt horn í vítaspyrnu Sami Kamel, en það dugði ekki til og staðan 1-0 fyrir heimamenn.

Keflvíkingar fengu nokkur góð færi áður en hálfleikurinn var úti en Birkir varði vel í tvígang.

Magnús Már Einarsson, þjálfari Aftureldingar, fékk að líta gula spjaldið í hálfleik fyrir að lesta Gunnari Oddi Hafliðasyni, dómara leiksins, pistilinn fyrir að reka Arnar Daða af velli.

Afturelding var nálægt því að jafna manni færri í þeim síðari. Aron Eli Sævarsson átti hörkuskot sem hafnaði í þverslá.

Keflavík tók aftur völdin og skoraði annað mark þegar hálftími var eftir. Aftur var það Sami Kamel og nú með viðstöðulausu skoti eftir sendingu frá Degi Inga Valssyni.

Valur Þór Hákonarson gulltryggði fyrsta sigur Keflvíkinga um tíu mínútum fyrir leikslok.

Keflavík fer upp í 8. sæti með 3 stig en Afturelding er nú komið í neðsta sæti deildarinnar með aðeins 1 stig.
Lengjudeild karla
Lið L U J T Mörk mun Stig
1.    Fjölnir 6 4 2 0 13 - 7 +6 14
2.    Njarðvík 6 4 1 1 13 - 6 +7 13
3.    Grótta 6 2 4 0 11 - 9 +2 10
4.    Keflavík 6 2 2 2 12 - 6 +6 8
5.    Afturelding 6 2 2 2 9 - 12 -3 8
6.    ÍBV 6 1 4 1 10 - 10 0 7
7.    Dalvík/Reynir 6 1 3 2 9 - 11 -2 6
8.    Þór 5 1 3 1 8 - 10 -2 6
9.    ÍR 6 1 3 2 6 - 11 -5 6
10.    Þróttur R. 6 1 2 3 10 - 10 0 5
11.    Grindavík 5 0 4 1 8 - 9 -1 4
12.    Leiknir R. 6 1 0 5 5 - 13 -8 3
Athugasemdir
banner
banner
banner
banner