„Mjög ánægður með sigurinn, ánægður með seigluna. Ánægður með að, þegar þetta er 1-0 og þú ert ekki búinn að vera að draga marga fiska að landi þá er smá taugaspenna en mér fannst fyrri hálfleikurinn frábær og það var kannski þar sem við hefðum átt að tryggja okkur betri forystu.“ Þetta sagði Ólafur Helgi Kristjánsson, þjálfari Þróttar, aðspurður um fyrstu viðbrögð eftir leik kvöldsins.
„Í fyrri hálfleik, þá fannst mér við dómminera og svo vantaði bara á síðasta þriðjung, bæði að nýta færi og kannski þessa síðustu sendingu til þess að skapa færin.“
„Eftir á að hyggja bara sáttur við seigluna að keyra þetta heim.“
Kristrún Rut kom út af í hálfleik. „Hún fékk í Blikaleiknum um síðustu helgi svona stífnaði aftan í læri og við vissum að þetta væri ekki nema 45-60 og við urðum að taka hana út áður en að hún tognar.“
„Það er bara ná sér eftir þennan leik og svo er Fylkir á Þriðjudaginn.“
Viðtalið má sjá í heild sinni í spilaranum hér fyrir ofan