'Dóri sá kannski fyrir sér að ég gæti verið áhrifameiri fyrir liðið inn á miðjunni; í hjartanu'
Gísli var algjör lykilmaður í liði Breiðabliks síðustu ár. Hann var fenginn til sænska félagsins Halmstad í vetur.
'Dóri leggur áherslu á að við séum að fylla ákveðin pláss á vellinum'
Höskuldur Gunnlaugsson, fyrirliði Breiðabliks, hefur spilað á miðjunni í undanförnum leikjum. Hann getur leyst nokkrar stöður á vellinum en hefur síðustu ár oftast spilað sem hægri bakvörður og leyst það hlutverk vel.
Í síðustu níu leikjum hefur hann verið miðsvæðis og leikið vel. Takturinn í Blikaliðinu, frá og með seinni hálfleiknum gegn Stjörnunni, hefur verið mjög góður og er liðið búið að jafna Víking að stigum á toppi Bestu deildarinnar. Fótbolti.net ræddi við Höskuld um sitt hlutverk.
Í síðustu níu leikjum hefur hann verið miðsvæðis og leikið vel. Takturinn í Blikaliðinu, frá og með seinni hálfleiknum gegn Stjörnunni, hefur verið mjög góður og er liðið búið að jafna Víking að stigum á toppi Bestu deildarinnar. Fótbolti.net ræddi við Höskuld um sitt hlutverk.
Lestu um leikinn: Breiðablik 3 - 1 Fram
„Ég hef verið að flakka á milli, verið kannski 25-30% á miðjunni síðustu tímabil, annars verið í bakverðinum. Þetta hefur verið aðeins formfastara núna. Dóri (þjálfari Breiðabliks) talaði um að ég væri með ágætlega mikinn kraft; snerpu, fyrsta skref og smá mótor í mér. Hann talaði um að smá dýnamík hafi farið úr okkur eftir brotthvarf Gísla (Eyjólfssonar). Hann var náttúrulega holdgervingur fyrsta skrefs og mótors á miðjunni hjá okkur. Ég er ekki jafn líkamlegt skrímsli og Gísli er, en það var ákveðið tómarúm sem hann skildi eftir sig sem ég, að einhverju leyti á minn hátt, get svolítið fyllt upp í. Dóri sá kannski fyrir sér að ég gæti verið áhrifameiri fyrir liðið inn á miðjunni; í hjartanu. Það hefur reynst ágætlega," segir Höskuldur.
„Mér finnst geggjað að spila á miðjunni, er vanur því úr yngri flokkum. Þetta er ekkert nýtt fyrir mér og bara ógeðslega gaman."
Með sigrinum gegn Fram á mánudagskvöld komst Breiðablik upp að hlið Víkings á toppi Bestu deildarinnar. Ísak Snær Þorvaldsson hefur spilað vel í síðustu leikjum og Davíð Ingvarsson hefur komið öflugur inn í liðið. Fleiri leikmenn hafa sýnt öfluga frammistöðu, en sýnilegasta breytingin á liði Breiðabliks er hjá þeim tveimur fyrrnefndu og svo tilfærslan á Höskuldi.
„Mér finnst flottur taktur í liðinu, finnst við heilt yfir verið ágætlega stabílir; kannski á pari yfir allt sumarið. Við fundum að við áttum gír inni eins og Ísak hefur talað um undanfarið. Mér finnst við vera finna þennan gír og það á góðum tímapunkti."
Breiðablik spilar með þrjá inn á miðsvæðinu. Höskuldur var beðinn um að reyna að útskýra hvert hlutverk hvers og eins væri. Hvenær vitið þið hvenær þið megið keyra upp í sókn? Er reglan sú að þú bíður fyrir aftan hina?
„Þetta er voða dýnamískt, Dóri leggur áherslu á að við séum að fylla ákveðin pláss á vellinum og það þarf ekkert endilega að þýða að hver maður sé fastur í sínu plássi, heldur að menn séu að fylgjast með og skanna völlinn; séu að sjá til þess að plássin séu fyllt. Ef tveir af þremur á miðjunni skila sér inn á teiginn, þá situr sá þriðji kannski aðeins eftir í 'rest defence'."
Víkingur og Breiðablik eru með átta stiga forskot á Val í toppbaráttunni. Liðin eiga eftir að mætast í úrslitakeppninni. Alls eru átta umferðir eftir.
„Toppbaráttan er drulluspennandi og það verður forvitnilegt að sjá hvernig úrslitakeppnin verður. Það er í fyrsta skipti einhver spenna á toppnum eftir að fyrirkomulaginu var breytt. Það er spenna og eftirvænting," segir fyrirliðinn.
Næsti leikur Breiðabliks er gegn ÍA á útivelli á sunnudag.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
