Búlgaría: Hólmar Örn vann nágrannaslaginn

Hólmar Örn Eyjólfsson lék allan leikinn í vörn Levski Sofia sem lagði nágranna sína í Slavia Sofia að velli í dag.

Gestirnir voru betri og verðskulduðu sigurinn. Bæði mörkin komu á lokakafla leiksins.

Hólmar og félagar fóru á topp deildarinnar með sigrinum þar sem þeir eru með 23 stig eftir 10 umferðir. Ludogorets er tveimur stigum á eftir, með leik til góða.

CSKA Sofia kemur svo í þriðja sæti deildarinnar, með 19 stig. Slavia er í neðri hlutanum, með 10 stig.