Phoenetia Browne er gengin í raðir SC Sand í þýsku úrvalsdeildinni en hún kemur til félagsins frá FH.
Browne, sem er 26 ára gömul, skoraði sex mörk í átta leikjum með FH í Pepsi Max-deildinni síðasta sumar.
Þessi magnaði árangur hennar skilaði henni samning hjá SC Sand sem spilar í efstu deild í Þýskalandi en liðið er í næst neðsta sæti deildarinnar með 6 stig.
Browne hefur áður spilað á Íslandi en hún lék með Sindra í 1. deildinni árið 2017 og skoraði þá tíu mörk í sextán leikjum í deildinni og gerði þá tvö mörk í bikarnum.
Athugasemdir