lau 22. janúar 2022 06:00
Victor Pálsson
Oscar staðfestir viðræður við Barcelona
Oscar árið 2015.
Oscar árið 2015.
Mynd: Getty Images
Oscar, fyrrum leikmaður Chelsea, hefur staðfest það að Barcelona hafi áhuga á að fá hann í sínar raðir.

Oscar lék lengi vel með Chelsea í ensku úrvalsdeildinni en hefur spilað í kínversku Ofurdeildinni undanfarin fjögur ár.

Um er að ræða þrítugan leikmann sem spilar með Shanghai Port í Kína en hann var fyrir það í fimm ár hjá Chelsea.

Barcelona er í miklum fjárhagsvandræðum og gæti Oscar reynst ódýr kostur þó hann sé samningsbundinn til 2024.

„Barcelona setti sig í samband við umboðsmanninn minn til að komast að því hvort þetta væri möguleiki," sagði Oscar.

„Það eru viðræður í gangi og það er skoðað hvort þetta sé mögulegt. Það er einnig vesen með að skrá leikmenn svo ég þyrfti að ræða við mitt félag um að hleypa mér burt."
Athugasemdir
banner
banner
banner
banner