Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 22. mars 2021 19:34
Brynjar Ingi Erluson
Dembele: Ég var veikburða þegar ég kom til Barcelona
Ousmane Dembele
Ousmane Dembele
Mynd: Getty Images
Franski vængmaðurinn Ousmane Dembele er loksins að finna sig hjá Barcelona eftir ansi erfið ár á Spáni en hann hefur styrkt sig mikið síðasta árið.

Barcelona keypti Dembele frá Borussia Dortmund fyrir 105 milljónir evra.

Hann hefur glímt við erfið meiðsli frá því hann kom og þá hefur hann oft verið gagnrýndur fyrir ákvarðanatökur og lífið utan vallar en nú er annar bragur á honum.

Dembele hefur skorað 9 og lagt upp 4 á þessari leiktíð en Didier Deschamps, þjálfari franska landsliðsins, hefur verðlaunað hann fyrir gott tímabil og valið hann í hópinn fyrir leikina í þessum mánuði.

„Ég vil hafa mikið að gera og gefa allt mitt á vellinum en ég var mjög veikburða þegar ég kom til Barcelona. Ég hef styrkt mig mikið og er mun betur undirbúinn fyrir leiki," sagði Dembele við Telefoot.

„Það hefur gengið mjög vel á þessu ári og ég bætt mig mikið hjá Barcelona. Mér líður loksins vel þó ég hafi verið að glíma við erfið meiðsli síðustu þrjú árin en þetta er lífsreynsla fyrir mig," sagði hann ennfremur.
Athugasemdir
banner
banner