Fréttamaðurinn virti Fabrizio Romano er búinn að staðfesta það að Zlatan Ibrahimovic hefur skrifað undir samning við AC Milan sem gildir í eitt ár.
Sænska goðsögnin verður því áfram í herbúðum Milan þar til í júní 2022 hið minnsta.
Zlatan verður fertugur í október og hefur verið gjörsamlega frábær frá komu sinni aftur til Milan. Honum tókst að lyfta leik liðsins á annað stig með nærveru sinni og raðaði inn mörkunum meðan hann var heill heilsu.
Zlatan er kominn með 15 mörk í 17 deildarleikjum það sem af er tímabils en er aðeins búinn að skora eitt eftir meiðsli í mars.
What’Z happening? ⏳ #SempreMilan #ReadyToUnleash pic.twitter.com/RnQOgDOkhs
— AC Milan (@acmilan) April 22, 2021
Athugasemdir