Keflvíkingar réðu lögum og lofum í fyrri hálfleiknum en gestirnir náðu ekki neinni tilraun að marki en staðan var 1-0 í hálfleik.

Stefan Ljubicic fékk dauðafæri til að tvöfalda forystu Keflvíkinga snemma í seinni hálflleik en Aron Birkir Stefánsson bjargaði á síðustu stundu.

Þór náði loks að ógna þegar tuttugu mínútur voru til loka venjulegs leiktíma þegar Fannar Daði Malmquist Gíslason átti skot en Ásgeir Orri Magnússon varði vel frá honum.

Þórsarar sóttu í sig veðrið undir lokin og Ásbjörn Líndal Arnarsson fékk gott færi til að jafna metin en hann skaut í varnarmann.

Þór fékk úrvalstækifæri til að jafna metin í uppbótatíma þegar Ásgeir Orri var brotlegur inn á teignum og vítaspyrna dæmd. Einar Freyr Halldórsson steig á punktinn en skaut í utanverða stöngina. Nær komust Þórsarar ekki og sigur Keflvíkinga staðreynd.

KA fékk Val í heimsókn. Sveinn Margeir Hauksson hefði getað komið KA yfir eftir hálftíma leik en hitti ekki boltann í góðu færi.

Valur náði forystunni þegar Tryggvi Hrafn Haraldsson átti skot í stöngina, Albin Skoglund var fyrstur að átta sig og komst fyrstur í boltann og skoraði örugglega.

Danijel Dejan Djuric var hársbreidd frá því að jafna metin undir lok fyrri hálfleiks en hann setti boltann í stöngina.

Bæði lið fengu fín færi til að skora í seinni hálfleik. Hallgrímur Mar Steingrímsson fékk síðasta tækifærið í blálokin en skaut framhjá úr aukaspyrnu.

Keflavík 1 - 0 Þór
1-0 Marin Brigic ('6 )
1-0 Einar Freyr Halldórsson ('94 , misnotað víti)
Lestu um leikinn

KA 0 - 1 Valur
0-1 Albin Skoglund ('41 )
Lestu um leikinn