England um helgina - Átta lið í baráttu um mikilvæg sæti

Mynd: EPA

Lokaumferð enska úrvalsdeildartímabilsins fer fram á sunnudaginn og þó að baráttan um Englandsmeistaratitilinn sé ráðin þá eru átta lið í baráttu um mikilvæg sæti á stöðutöflunni.

Í fallbaráttunni eru það Lundúnaliðin West Ham United og Tottenham Hotspur sem geta fallið. West Ham þarf sigur á heimavelli gegn Leeds og að treysta á sama tíma að Tottenham tapi sínum heimaleik gegn Everton. Það er eina raunhæfa leiðin fyrir Hamrana til að forðast fall.

Þá eru sex lið enn að berjast um í Evrópubaráttunni. Liverpool nægir jafntefli heima gegn Brentford til að tryggja Meistaradeildarsæti en það gæti reynst afar erfið viðureign í ljósi þess að lærlingar Keith Andrews þurfa sigur í Evrópubaráttunni.

Þó að Liverpool myndi tapa þeim leik þá er enn margt sem þarf að gerast til að lærlingar Arne Slot missi af Meistaradeildinni. Bournemouth þyrfti að vinna fimm marka stórsigur á Nottingham Forest til að jafna Liverpool á markatölu.

Bournemouth er búið að tryggja sér Evrópudeildarsæti en næsta lið fyrir neðan er Brighton sem þarf sigur gegn Manchester United til að tryggja sitt sæti í keppninni. Chelsea er andandi ofan í hálsmálið á lærlingum Fabian Hürzeler, aðeins einu stigi eftirá.

Chelsea spilar gríðarlega spennandi leik við Sunderland þar sem bæði lið eru í harðri baráttu um Evrópusæti og þurfa á sigri að halda.

Leikir dagsins
15:00 Brighton - Man Utd
15:00 Burnley - Wolves
15:00 West Ham - Leeds
15:00 Fulham - Newcastle
15:00 Nott. Forest - Bournemouth
15:00 Liverpool - Brentford
15:00 Man City - Aston Villa
15:00 Tottenham - Everton
15:00 Sunderland - Chelsea
15:00 Crystal Palace - Arsenal

Mynd: EPA

Stöðutafla

#	Lið	L	mun	Stig
1	Man City	3	+5	9
2	Arsenal	3	+5	9
3	Hull City	3	+3	7
4	Chelsea	3	+1	6
5	Brentford	3	+3	5
6	Liverpool	3	+2	5
7	Newcastle	3	+2	5
8	Everton	3	+2	5
9	Leeds	3	+1	5
10	Brighton	3	+3	4
11	Man Utd	3	+1	4
12	Sunderland	3	0	4
13	Crystal Palace	3	-4	3
14	Ipswich Town	3	-4	3
15	Bournemouth	3	-1	2
16	Nott. Forest	3	-1	2
17	Aston Villa	3	-5	1
18	Tottenham	3	-5	1
19	Fulham	3	-3	0
20	Coventry	3	-5	0