„Erfitt að fá á sig þrjú mörk og vinna en við gerðum það samt“

Má segja að leikplanið hafi gengið fullkomlega upp?
„Jú jú, strákarnir voru bara tilbúnir frá fyrstu mínútu. Mér fannst við vera yfir í ákefð og návígum. Við kláruðum það mjög vel. Við vorum agressívir að fara aftur fyrir þá og völdum vel þar sem skapaði fullt af góðum tækifærum. Við nýttum þau ágætlega í dag, hefðum getað skorað fleiri.“

Blikar voru gagnrýndir fyrir sóknarleikinn í upphafi móts en hafa svarað þeirri gagnrýni vel.

„Við vitum alveg hvað við erum með í höndunum. Þetta lið er ótrúlega gott. Margir leikmenn sem geta skorað og komið að mörkum. Mér fannst sú umræða hafa verið búin til í byrjun móts. Ég sagði samt í viðtali fyrir leik að það væri erfitt að fá á sig þrjú mörk og vinna leiki en við gerum það samt,“ sagði Ólafur Ingi.

Ólafur sagði jafnframt að Höskuldur Gunnlaugsson, fyrirliði Breiðabliks, hafi verið tæpur og því byrjað á bekknum.

Viðtalið má sjá í heild sinni í spilaranum hér að ofan.