Lengjudeildin: Slæm meiðsli skyggðu á markaleik - Orri með tvennu fyrir ÍR

Stuttu síðar kom upp hræðilegt atvik þar sem Axel Óskar Andrésson og Aron Snær Ingason skullu harkalega saman. Hringja þurfti á sjúkrabíl og leikurinn var stopp í dágóðan tíma. Aron Snær var fluttur á sjúkrahús en Axel Óskar gekk af velli.

Kári Kristjánsson jafnaði metin með frábæru marki beint úr aukaspyrnu og í kjölfarið hófst ótrúleg atburðarás. Bart Kooistra kom Aftureldingu yfir strax í kjölfarið en Sigurður Egill Lárusson svaraði um hæl og jafnaði metin, þrjú mörk á tveimur mínútum.

Afturelding fékk vítaspyrnu undir lok fyrri hálfleiks og Elmar Kári steig á punktinn og skoraði. Sigurður Egill jafnaði metin í þriðja sinn með frábæru marki beint úr aukaspyrnu. Óðinn Bjarkason tryggði Aftureldingu síðan sigurinn.

Þróttur spilaði síðustu mínúturnar manni færri þegar Magnús Þórðarson var rekinn af velli.

ÍR komst aftur á sigurbraut þegar liðið fékk HK í heimsókn. Orri Bjarkason skoraði tvennu áður en Stefán Þór Pálsson innsiglaði sigurinn. Alexander Örn Guðmundsson náði að klóra í bakkann fyrir HK en nær komust þeir ekki.

Þá fékk Leiknir Grindvíkinga í heimsókn. Fyrri hálfleikurinn var bragðdaufur og staðan var markalaus þegar flautað var til loka hálfleiksins.

Christian Bjarmi Alexandersson var nálægt því að koma Grindavík yfir en skaut framhjá úr góðu færi. Daði Bærings Halldórsson fékk einnig færi fyrir Leikni en mörkin létu á sér standa og markalaust jafntefli niðurstaðan.

Afturelding 4 - 3 Þróttur R.
1-0 Elmar Kári Enesson Cogic ('6 )
1-1 Kári Kristjánsson ('35 )
2-1 Bart Kooistra ('36 )
2-2 Sigurður Egill Lárusson ('37 )
3-2 Elmar Kári Enesson Cogic ('45 , víti)
3-3 Sigurður Egill Lárusson ('59 )
4-3 Óðinn Bjarkason ('69 )
Lestu um leikinn

ÍR 3 - 1 HK
1-0 Orri Bjarkason ('51 )
2-0 Orri Bjarkason ('76 )
3-0 Stefán Þór Pálsson ('87 )
3-1 Alexander Örn Guðmundsson ('88 )
Lestu um leikinn

Leiknir R. 0 - 0 Grindavík
Lestu um leikinn