Kristján Flóki Finnbogason skoraði sitt fyrsta mark á tímabilinu í gær þegar hann jafnaði fyrir KR í uppbótartíma gegn Víkingi.
Flóki hefur glímt við meiðsli í sumar en er að finna sitt besta form.
Hann var nánast búinn að skora gegn Leikni en Kjartan Henry Finnbogason tók þá ákvörðun að stela því marki á marklínunni og kom boltanum sjálfur yfir marklínuna.
Flóki hefur glímt við meiðsli í sumar en er að finna sitt besta form.
Hann var nánast búinn að skora gegn Leikni en Kjartan Henry Finnbogason tók þá ákvörðun að stela því marki á marklínunni og kom boltanum sjálfur yfir marklínuna.
Lestu um leikinn: Víkingur R. 1 - 1 KR
Flóki skoraði með glæsilegt mark í gær og má sjá það í spilaranum hér að neðan. Einnig má sjá mark Víkings sem Nikolaj Hansen skoraði snemma í leiknum.
Tveir KR-ingar voru til viðtals á Fótbolta.net eftir leikinn í gær og voru þeir spurðir út í markið og Flóka.
„Já frábært að fá Flóka á blað. Flóki er búinn að skora nánast tvö í röð núna. Þvílíkt mikilvægt og flott mark. Hann er að komast í sitt góða stand aftur. Ég þurfti að hjálpa honum aðeins í síðasta leik en hann sá um þetta í dag," sagði Kjartan Henry.
Rúnar Kristinsson, þjálfari KR, var spurður út í hversu ljúft hefði verið að sjá markið hjá Flóka.
„Það var mjög notalegt. Ég hafði fulla trú á að við myndum jafna þennan leik og sú von fór aldrei."
„Markið var frábært og gaman að Flóki skorar, hann á það inni að setja inn mörk og hann klárar þetta mjög vel," sagði Rúnar.
Athugasemdir