Evrópa í dag - Albert tæpur fyrir fallbaráttuslag

Fiorentina átti hörmulegan fyrri hluta tímabils en hefur verið að skila betri frammistöðum að undanförnu og eru úrslitin að skána. Albert Guðmundsson fór meiddur af velli í jafntefli gegn Torino fyrir tveimur vikum og er tæpur fyrir leikinn í dag.

Fiorentina er í fallsæti sem stendur, þremur stigum frá öruggu sæti, með 21 stig eftir 25 umferðir. Albert og félagar eru fimm stigum fyrir ofan Pisa og þurfa bæði lið á sigri að halda.

Í kvöld eigast Bologna og Udinese svo við í spennandi slag þar sem aðeins eitt stig skilur liðin að um miðja deild.

Þá er einn leikur á dagskrá í spænska boltanum þegar Alavés fær Girona í heimsókn í neðri hluta La Liga.

Þrjú stig skilja að á milli liðanna og er Alavés aðeins tveimur stigum fyrir ofan fallsvæðið. Girona lagði Spánarmeistara Barcelona afar óvænt að velli í síðustu umferð og mæta leikmenn liðsins því með gott sjálfstraust í kvöld.

Serie A
17:30 Fiorentina - Pisa
19:45 Bologna - Udinese

La Liga
20:00 Alaves - Girona