Tudor: Markmiðið er að verða alvarlegir

Tudor svaraði spurningum eftir leikslok og segist vera handviss um að liðið sé að fara að halda sér í deildinni þrátt fyrir að vera í óvæntri fallbaráttu, aðeins fjórum stigum fyrir ofan fallsvæðið.

„Þetta var erfiður leikur gegn sterku liði, mögulega besta liði í heimi. Þetta er ekki besta byrjunin fyrir okkur en við sjáum til hvað gerist næsta sunnudag," sagði Tudor, en Tottenham heimsækir Fulham í öðrum Lundúnaslag um næstu helgi. Fulham er átta stigum fyrir ofan Tottenham.

„Auðvitað er ég sannfærður um að við föllum ekki niður um deild útaf því að þetta eru góðir leikmenn með slæmar venjur. Það getur enginn sagt mér að það séu ekki gæði í þessum leikmannahópi. Við þurfum að breyta hugarfarinu sem fyrst.

„Hvað er markmiðið okkar? Hvað er markmið félagsins? Hvar er markmið liðsins? Hvar er markmið þjálfarans? Og leikmanna? Og starfsteymisins? Að verða alvarlegir.

„Markmiðið er að verða alvarlegir og ekki bara hópurinn af 20 leikmönnum. Meðalið er að horfa í spegilinn. Við þurfum allir með tölu að horfa í spegilinn og virkilega byrja að breyta þessum slæmu venjum."

TENGT EFNI22.02.26 - 19:35

Tudor: Mörg vandamál í þessu liði

"Where is the goal of this club? Where is the goal of this team?" Igor Tudor's brutally honest assessment of Tottenham after his first match in charge
by
u/Shyam_Wenger in
soccer